3HMONGTV Newsbrief | July 5, 2025

3HMONGTV NEWS (07-05-2025) – Nyob rau lub 6 hli no xwb, ICE ntes 15 tus Hmoob nyob xeev Minnesota ua muaj kev txhaum yav dhau los. Tamsim no Nplog kam txais 145 tus neeg ua muaj ntaub ntawv raug xa rov qab raws li hais los ntawm Lao Embassy nyob Wasthington DC. Trump adminstration tau kev tso cai los ntawm US Supreme Court xa cov neeg no mus rau cov lwm lub tebchaws uas lawv yeej ib txwm tsis paub. Yog li no Hmoob 18 xeem nyob xeev Minnesota tab tom nrhiav kev los collect los yog sau ntaub ntawv ntawm cov neeg muaj npe xav rov qab seb puas cheem tau lawv nyob. Qhov deadline ntawm kev sau cov ntaub ntawv tsis pub dhau lub 7 hli hnub tim 15.
video
Yog tias nej muaj ntaub ntawv raug xa rov qab es nyob hauv xeev Minnesota los yog  thoob plaws tebchaws Asmeskas, Hmoob 18 xeem xav kom nej hu rau lawv sai li sai tau. Yog lawv tsis teb, tso nej tus xovtooj thiab npe, lawv mam rov hu rauj nej. Kev raug xa uas ICE rub rhe leej niam los yog leej txiv ntawm tej menyuam xub ntiag mus lawm  yeej tsis yog ib yam sawvdaws xav tau. Feem coob ntawm cov neeg raug xa rov qab, lawv twb mus kaw tag lub txim lawv vim li cas lawv ho raug xa rov qab.

Tamsim no raws li xovxwm tau tshaj tawm, muaj ib daim App uas sawvdaws muab tso hauv lub xovtooj yuav pab qhia tias qhov chaw twg muaj ICE. Qhov app no hu tias ICEBlock. Qhov app no pab ceebtoom rau sawvdaws ua ntej ICE tuaj ntes neeg.  Tamsim no qhov app no twb muaj ntau tshaj 20,0000 tus neeg siv lawm. Raws li hais qhov App no siv dawb xwb.

Tamsim no nyob hauv xeev Minnesota, muaj ib cov cai tsim nyog sawvdaws yuav tsum tau paub. Nomtswv xeev Minnesota tsim muaj ib tug neeg ua haujlwm nyob hauv Minnesota Department of Commerce los pab rau cov neeg xaub tsev kom paub lawv txoj cai thiab pab dawv teebmeem.
Tsis tas li cov koobtsheej them nyiaj nkag mus saib uas muaj 100 leej lawm yuav tsum kom muaj dej pub dawb rau lawv haus los yog tso cai lawv nqa lawv dej.
Pejxeem Minnesota 12 xyoos rov sauv, yug tom qab 6/30/2024 yuav tsum muaj permit tsav lawv cov nkoj los. Txawm yog yus cov nkoj los yog xaub nkoj tsav ua si.
Tamsim no lub company neeg ua haujlwm muaj cai noog kom tau daim ntawv los ntawm kwv kho mob yog tias mob tsis mus ua haujlwm tshaj 2 hnub lawm.
Cov no yog ib nrab ntawm cov cai ntawm rau xyoo 2025. Xav paub ntxiv, mus saib ntawm lub website no. https://www.house.mn.gov/newlaws/search/2025

Nyob rau ntawm President Trump tsab Big Beautiful Bill, Trump yuav muaj nyiaj li $29.9 Billion duas las los pab rau ICE. Tag nrho cov nyiaj los pab rau Immigration Enforcement yog li ntawm $150 Billion duas las. Cov nyiaj los pab rau tub rog nce mus rau $153 Billion duas las. Trump yuav txiav nyiaj Medicaid kom tseg ntau $930 Billion duas Las. Medicare thiab Affordable Care Act raug txiav vim xav kom tseg tau $170 Billion duas las. Nyiaj food stamp los yog SNAP raug tib yam nkaus. Muaj tej yam kub zoo, feem ntau yuav raug rau cov neeg txomnyem ntau dua.

Thaum kawg no Senator Foung Hawj tsam muaj ib lub koomtxoos nyob hauv East Side St. Paul tham txog ib qhov nyiaj $250,000 duas las relief grant los pab rau cov lagluam nyob ntawm txoj kev Arcade uas lawv tab tom muab kho. Tamsim no East Side Neighborhood Development company tuav cov nyiaj no. Yog qualify yuav tau mus txog ntawm $5,000 duas las tauj rau ib lug lagluam. Ua tsaug rau Senator Foung Hawj rau qhov xovxwm no.
video
Yog leejtwg muaj lus noog, hu rau Senator Foung Hawj qhov chaw ua dejnum ntawm tus xovtooj no.