Xyoo 2022, Kay raug ntxim federal vim yog nws dag coob tus niam txiv li ntawm ntau tshaj $16 lab dollas nyiaj mus invest rau nws cov investment firms. Nws hais rau cov investor tias ib xyoos twg lawv yuav tua li ntawm 20% mus rau 50% rov los. Xyoo 2023, kws tswj cai muab txim kom Kay them li ntawm $4 lab dollas rov rau cov investors thiab them ntau ib yam li no rau nws lub txim tiamsis Kay yeej tsis tau them cov nyiaj no. Tseem tshuav ntau lub txim ua kwv tswj cai muab rau Kay uas peb tsis muab coj los hais ntawm no.
Tam sim no Trump administration yuav npaj txwv tejyam tseem ceeb tsis pub muab qhia tawm rau Congress paub tom qab Trump los hais qhia sawvdaws txog kev mus tua Iran cov chaw muaj riam phom nuclear. Trump hais tias Asmekas yeej tua Iran cov chaw riam phom nuclear ntsoog tas lawm tiamsim muaj neeg xwj tau tias tsuas yog tau raug vaj tse puas xwb tsis mus raug cov riam phom nuclear uas faus nyob hauv av. Tsis yog li hais los ntawm President Trump thiab Defense Secretary Pete Hegseth. Yog li no Trump administration yuav txwv tsis kam muaj tejyam ntaub ntawv los yog tswvyim tseem ceeb los qhia rau nomtswv lawm vim tsis muaj tiv thaiv ces yuav tsis muaj kev ruaj ntseg hauv tebchaws Asmeskas.
Hnub no Iran tus nom Ayatolla Ali Khamenei hais tias Trump hais ntau tshaj qhov neeg ntseeg tau vim Asmeskas twb tua tsis tau tejyam tseem ceeb li hais.
Tamsim no nyob hauv xeev Minnesota MNDOT tso cai rau nroog Minneapolis thiab Mendota Heights siv koob thaij los ntes cov neeg tsav tsheb ceev. Qhov nov yog ib qhov pilot los yog tseem coj los sim seb zoo li cas xwb. Cov koob thaij no yuav muab los siv pib lub 8 hli no mus txog 7 hli 2029. Yog tias leejtwg tsev tsheb ceev tshaj 10 mile per hour ces yuav raug nplua $40. $80 yog tias tsav tsheb ceev tshaj 20 mile per hour. Lawv hais tias txawm tau raug nplua li no los yuav tsis nyob hauv nej qhov record.
Thaum kawg no lub agency hu Partners4Pain Research Study tam tom nrhiav neeg los volunteer nrog lawv kev research txog mob nruab qaum thiab caj dab. Lawv xav tau cov neeg 18 xyoo, muaj mob caj dab los yog mob duav, thiab yog neeg tawv daj. Yog tias xav paub tseeb los yog nej leejtwg xav mus koom qhov research no, hu xovtooj rau lawv li nej pom ntawm no.
Tamsim no Department of Justice tab tom foob xeev Minnesota vim tias Minnesota tsim muaj ib txog cai los pab txo los yog tshem tej nuj nqi kawm ntawv rau neeg tsis muaj ntaub ntawv qib siab nyob tebchaws no. Department of Justice hais ntxiv tias qhov no yuav tsis muaj kev ncaj ncee rau pejxeem Asmeskas lawm. US Attorney General Pam Bondi hais nyob hauv rooj plaub no tias yuav tsum tsis pub muaj ib lub xeev twg los siv txoj cai no rau pejxeem Asmekas es cia cov neeg tsis muaj ntaub ntawv los tau cov kev pab no. Department of Justice twb yeej cov plaub zoo li no nyob Texas lawm, lawv yuav tsum yeej hauv Minnesota es cia pab pejxeem Asmekas ua ntej tso.
