Xovxwm tshaj tawm, tamsim no Supreme Court uas yog lub chaw hais plaub loj nyob Asmeskas pom zoo rau Trump los nrhiav kev txwv tsis pub muaj Birthright Citizenship lawm. Yav dhau los yog ib tug menyuam twg yug tebchaws no, nws cia li yog neej Asmeskas lawm txawm tias leej niam thiab txiv tsis muaj ntaub ntawv nyob tebchaw no los tsis ua cas. Tamsim no Trump tsis pub ua li ntawv lawm. Yog leej niam thiab txiv tsis muaj ntaub ntawv nyob tebchaws no ces cov menyuam yug tebchaws no yuav tsis yog neeg Asmeskas. Tsis tas li Supreme Court txwv tsis pub cov kws tswj cai nyob theem nqis los thaiv Trump tsab executive order txwv tsis pub muaj birthright citizenship thiab lwm qhov executive order los ntawm Trump.
Raws li xovxwm tshaj tawm nyob hauv St. Paul, pib lub 9 hlis mus, lub chaw Xcel Energy lossis the X nyob hauv nroog St. Paul, yuav hloov lub npe mus hu ua Grand Casino Arena no lawm. Qhov chaw no yog ua rau Minnesota Wild, Minnesota Frost, mus rau cov high school hockey thiab cov event loj xws li concert tuaj siv los ntau xyoo lawm. Qhov kev hloov npe no twb muaj los tau 14 xyoos koom nrog lub chaw twv txiaj Grand Casinos nyob rau Hinkley thiab Mille Lacs thiaj li hloov tau.
Luj caij ntuj sov no lawm, raws li ntaub ntawv sau tawm, muaj zuam coob tuaj thiab lawv nyob tau ntev ntawm neeg lub cev. Yog tias sov tshaj 39 degrees lawm ces cov zuam no tawm tuaj nyob ntev dua thaum txias lawm. Kev tshawb fawb hais tias pejxeem yuav tsum ceev faj vim muaj ntau hom zuam uas kis tau ntau cov kabmob. Cov Deer Tick los yog zuam mos lwj uas muaj nyob rau sab nruab nrab teb Asmeskas muaj kabmob ua hu tias Lyme Disease. Lwm yam kabmob uas phomsij los ntawm zuam yog kis cov mob hu ua Alpha-gal Syndrome. Hom kabmob no ua rau neeg ua xua nyob noj nqaij liab. Lwm hom zuam tseem kis tau neeg mob ua daus no, mob tob hau thiab mob ib ce. Yog tawm mus sab nraum zoo, yuav tsum paub tiv thaiv yus tus kheej kom txhob tau zuam.
Thaum kawg no xav muab lub koomtxoos ua qhuas txov Hmong cov tub ntxhais hu nkauj nyob rau lub weekend dhau los no. Hmoob tuaj nyob tebchaws Asmeska txwm nkaus 50 rau xyoo 2025 no, muaj ib lub koomtxoos ua kev zoo siab thiab muaj khoom plig qhuas txog Hmoob cov tub ntxhais hu nkauj nrov nyob xyoo 1980 los txog tamsim no. Cia peb mus saib tau.
