Kev xaiv tus Mayor zaum no yog rank choice voting ua pejxeem muaj cuab kav xaiv cov los sib tw tso raws li thib 1, thib 2 thiab thib 3. Yog tias tom qab suav cov precincts tag lawm, yog tus tau 50 feeb pua rov sau cev yeej lawm tiamsis nyob li ntawm kev sib tw zaum no, tsis muaj leejtwg tau mus txog 50 feem pua. Lwm thiaj li muaj lwm tus cov suab los ntxiv rau ob tug uas tau suab ntau dua cev lawv thiaj li paub tiam tus yeej yog leejtwg. Tom qab muab lwm tus cov suab los ntxiv rau Kaohly thiab Melvin, Kaohly thiaj li yog tus yeej vim nws tau suab ntau dua.
Nroog St. Paul yog ib lug nroog loj uas tsim nyog muaj ib tug Hmoob los ua tus tswv zos. Kaohly yog thawj tus poj niam thiab tseem yog neeg Asia los tuaj lub meejmom no. Tsis ta li nws tseem yog Hmoob thiab. Qhov nov yog ib qhov ua tau qauv zoo rau Hmoob tshwj xeeb yog cov ntxhais Hmoob hais tias yog mob siab rau txoj kev kawm yeej mus caum tau yus tus npau suav.
Nroog Minneapolis los yeej muaj kev xaiv tus mayor ib yam nkaus thiab. Xyoo no Mayor Jacob Frey raug xaiv rov tau los ua Mayor zaum 3 los yog term thib 3. Omar Fateh uas yog ib tug neeg Somali tau swb lawm.
Xyoo no pejxeem nyob nroog St. Paul pom zoo thiab xaiv tau sob lus los nce se rau vaj tse thiaj li tau $37.2 lab dollas los pab rau St. Paul Public Schools. Cov kev pab no yog xws li arts thiab music, language thiab culture mus rau lwm yam. Qhov kev pab no yuav pab mus li 10 xyoo tom ntej. Tsis txhais tau tias yuav daws tau txhua yam hauv tsev kawm ntawv tiamsis nws yog ib qho zoo mus ntej tom ntej.
