3HMONGTV Newsbrief | September 21, 2025

3HMONGTV NEWS (09-21-2025) – Tuj lub yog Hmoob ib qhov sport uas yeej ib txwm muaj hauv Hmoob luj neej yav dhau los. Txawm twb tuaj nyob tebchaws Asmeskas no lawm los, niaj hnub no Hmoob tseem nyiaj ntau tuj lub. Minnesota yog thawj lub xeev uas muaj chaw zoo rau Hmoob ntau tuj lub. Xyoo 2014  Senator Foung Hawj nrhiav tau ib qho nyiaj los tsim tau ib lug tujlub court nyob hauv Keller Regional Park. Yog li ntawv xyoo no, Ramsey County tau los txhim kom zoo heev tuaj lawm. Kev kho zaum no yog raug nyiaj li ntawm $3 lab duaslas. Lub 9/20 dhau los no, Ramsey County nrog rau Hmoob lub koomhaum ntaus tujlub rov qhib tshiab rau sawvdaws tom qab kho tiav lawm. Cia peb mus saib tau.

Lub tujlub court no ua tau zoo nkauj li no los vim muaj cov Hmoob koom ntes nrog Ramsey County los sib pab ntawm tswvyim. Tus design cov art work no yog tus ntxhais Kaolee Thao.  Muaj chaw nres tsheb rau cov tuaj ntaus tujlub. Pua cov nyom yas ntsuab xiab rau tag nrho. Lub tujlub court yeej muab kho tau zoo heev lawm.
Tamsim no mus ces lub tujlub court no yeej qhib rau sawvdaws tuaj kawm ntau tujlub lawm. Yog leejtwg xav coj menyuam tuaj xyoo ntau tujlub, hu rau Nomtuam Vaj uas yog tus thawj ntawm lub koomhaum Tujlub club nyob xeev Minnesota. Ntseeg tau hais tias Minnesota yog thawj lub xeev uas tsim muaj Hmoob ib lub tujlub court nyob tebchaws Asmeskas. Lub chaw no tsis yog ua ntaus tujlub xwb tiamsim yog Hmoob ib qho identity hais tias Hmoob yog haiv neeg dabtsi. Qhov nov Hmoob teej Hmoob tug ib txwm muaj los tau ntau xyoo es tseem yuav nyob ntau xyoo mus tom ntej.

Xeev Minnesota muaj Hmoob nyob coob heev lawm, tsim nyog yuav tsum muaj ib tug Mayor Hmoob. Yog li no xyoo no Rep. Kaohly Vang Her pom zoo los sib twb khiav tuav lub meejmom Mayor hauv nroog St. Paul. Muaj ib lub koomtxoos nyob hauv Hmong Village rau Rep. Kaohly Vang Her tuaj qhia txog nws kev los sib tw ua nom zaum no.

Nej twb hnov cov tswvyim los ntawm Rep. Kaohly Vang Her hais tias nws yuav npaj li cas los pab rau pejxeem nyob nroog St. Paul yog nws raug xaiv los ua tus Mayor. Qhia rau sawvdaws paub tias tamsim no kev mus pov suab ua ntej twb qhib lawm. Haiv rau ib tsoom niam txiv kwvtij neejtsa nyob nroog St. Paul mus pov suab thiab xaiv tus tswv zos xyoo no.

Thaum kawg no, hnub no cov pojniam Hmoob uas tsim lub koomhaum  hu tias Women’s Association of Hmong and Lao yav dhau los tsa muaj ib lub koomtxoos tuaj sib sau ua kev zoo siab. Lub koomhaum no yog thawj lub koomhaum tsim xyoo 1979 los ntawm Nkauj Hli Yaj los txhawb pojniam Hmoob. Xyoo 2002 lub koomhaum no thiaj li nres tsis ua lawm. Muaj coob tus txiv tsev tsis pom zoo kom muaj lub koomhaum no vim lawv xav tias yog ib lub koomhaum tsa los tawm tsam cov txiv neej xwb tsis yog los txhawb pojniam Hmoob. 3HMONGTV yuav thuav tawm qhov kev tuaj ua kev zoo siab qhuas txog cov pojniam Hmoob uas xub xub pib lub koomhaum no nyob rau ntawm peb qhov show  Xav Paub Xav Pom sai sai tom ntej no.
Mus subscribe rau 3HMONGTV tshooj Youbutube thiab mus saib peb nyob rau ntawm hbctv.net kom nej thiaj pom peb cov program.