Ntawm no yog 3HMOOB TV lus tshaj tawm txog kev tag sim neej. Zam Xyooj John Thoj tau tag sim neej rau lub 5 hlis hnub 26, 2025 dhau los no. Yav thaum ub, Zam Xyooj John Thoj yog ib tug pha ej Hmoob, ib tug tub kawm ntawv, ib tug tub lagluam, thiab nws yog ib tug thawj txiv tsev zoo. Nws yug nyob rau Houei Keui, Nplog teb. Zam Xyooj John Thoj los ua tub rog nrog Elite Special Operation Team thaum nws muaj 14 xyoos. Tom qab ntawv nws los ua ib tug CIA thiab Air America tus tub ces lus los ntawm lub npe hu ua Penguin uas nws tau lub meejmom Captain.
Xyoo 1975, Zam Xyooj John Thoj tuaj poob rau tebchaws Asmeskas. Nws tuaj kawm tau ntau daim degree, ua lagluam thiab yog tug thawj coj tseem ceeb ntawm tsev neeg Hmoob hauv nroog St. Paul. Zam Xyooj John Thoj yog ib tug txiv zoo sib yuav tau 55 xyoos, muaj 9 tug menyuam thiab 23 tus xeeb ntxwv. Nws muaj ib qhov radio show tham txog kom muaj kev npau suav loj thiab muaj yeej rau lub neej pem suab. Nws yog ib tug txiv neej muaj hom phiaj zoo, muaj kev ntxawj ntse, thiab kev hlub rau lwm leej lwm tus. Zam Xyooj John thoj muaj 74 xyoos.
Cov tub ki yuav muaj nws lub cev los ua kev cai rau lub 8 hli hnub tim 9 mus txog 10 nyob tawm Legacy Funeral Home – West thiab East Chapel hauv nroog St. Paul, xeev Minnesota. Qhov kev nco ntxog nws rau zaug kawg yog lub 8 hli hnub tim 11 nyob rau ntawm Saint Marks Episcopal Cathedral, nroog Minneapolis. Muaj lus noog dabtsi, hu rau Dr. David Thao los yog Phil Thoj ntawm tus xovtooj no.
