Tiam sis hnub no 7/29 tsoomfwv Thaib rov liam tebchaws Cambodia txog ntawm kev tawm tsam tsis tu ncua thiab tsis muaj kev sib haum xeeb txog ntau thaj chaw Thaib tau hla ciam teb tom qab twb pom zoo txiav txim tsis pub sib tua ntxiv lawm. Tub rog Thaib thiab Khabmin pom zoo txhob sib tua thaib txwv tsis pub tua pejxeem. President Trump sau tawm nyob hauv Truth Social hais tias ua ntej ob lub tebchaws yuav muaj kev lagluam yuav tsum nres kev sib ntaus sib tua. Ntseeg tau hais txij no mus Thaib thiab Khabmin yuav pom zoo los xaus tsov rog zaum no.
Raws li xovxwm tshaj tawm, tamsim no tebchaws Asmeska nrhiav ntes neeg rov qab thiab txwv tsis pub neeg tuaj Trump Administration npaj yuav muab daim ntawv xeem xam xaj hloov ua kom nyuaj me ntsis. Trump hais tias daim ntawv xeem tamsim no yooj yim dhau lawm nws yuav pauv kom muaj ntau qhov lus noog thiab muaj ntau yam requirements. Tsis tas li Trump administration tseem yuav pauv cov kev ua visa thiab. Coob tus kuj hais tias yog muab hloov li no lawm yuav txiav cov tub ntxhais hluas txawj ntse kev tuaj ua haujlwm tej chaws Asmeskas. Tom ntej no tejzaum cov ntawv mus xeev US citizenship yuav nyuaj tuaj thiab kim zuj zus tuaj lawm. Zoo dua yuav tsum mus xeem tamsim no yog nej leejtwg tsis tau yog xam xaj Asmeska.
XP Lee uas yog ib tug Hmoob nyob xeev Minnesota tab tom los khiav ua tus House representative rau district 34B twb tau kev txhawb los ntawm pab pawg DFL thiab twb nrhiav tau nyiab li ntawm $25,000 duas las los pab rau nws lub campaign lawm. Tsis tas li XP Lee twb sau tau ib pab neeg los khob qhov rooj thiab pab khiav nws lub campaign xyoo no. XP Lee tau kev txhawb los ntawm ob peb tug nom nyob rau sab Brooklyn Park thiab Minneapolis. Lub Primary election rau qhov meejmom no yog lub 8/12. Lub General election yuav los rau lub 9/16. Yog tias cov niam txiv kwvtij neejtsa Hmoob nyob rau sab Brooklyn Park thiab Champlin, nej mus pov npav tau raws li ntawm cov chaw nej pom ntawm no. Nco ntsoov mus subscribe rau 3HMONGTV hauv Youtube thiab caum peb nyob ntawm hbctv.net.
