Nyob hauv nroog St. Paul, Keng Cha, 31 xyoos, uas yog tus coach uas nws tau quab yuam deev ib tug menyuam ntxhais 15 xyoos raug txiav txim nyob rau lub 7/29 mus kaw 90 lub hlis los yog 7 xyoo thiab ib nrab. Qhov teebmeem quab yuam tus ntxhais no twb pib xyoo 2022 los mus 2023 los lawm thauj lub sijhawm Keng ua tus Volleyball Coach nyob rau hauv Como Park Senior High.
Hna hmo 7/30, Governor Tim Walz tshaj tawm tias xeev Minnesota yog lub xeev thib 3 ntawm 50 lub xeev uas muaj kev los pab cuam zoo rau kev noj qab haus huv. Governor Walz hais ntxiv tias nomtswv xeev Minneosta ua kom tshuaj pheejyig, nqi insurance txo qis rau pejxeem, thiab ua kom pejxeem txhob tiv nqi tau kom txhua tus muaj ntawv kho mob. Tsis tas li US News thiab World Report hais tias Minnesota muaj 12 lub tsev kho mob uas zoo heev. Xyoo no Governor Walz kos tsab cai nce cov reimbursement nyiaj rau neeg mus tom tsev kho mob thiab kev pab cuam rau mob hlwb los yog mental health.
Lub koomhaum Hmoob Committee 100 yog xeev Minnesota twb nyuam qhuav muaj lawv lub rooj tham txog kev ua neeg thoj nam tawg rog nyob xoom Vinai uas yog Speaker Series tas raug nag hmo 7/30. Zaum no twb yog zaum 2 lawm. Lawv tseem npaj yuav muaj zaum 3 uas yog zaum kawg yuav los tom ntej no. Lawv tseem npaj yuav muaj ib lub gala loj txog 50 xyoo Hmoob tuaj poob rau tebchaws Asmeskas yuav los rau lub caij ntuj no tom ntej no. Vam tias sawvdaws yauv tuaj koom coob li coob tau.
