3HMONGTV Newsbrief | August 13, 2025

3HMONGTV NEWS (08-13-2025) – XP Lee uas yog ib tug tub Hmoob raug xaiv yeej rau ntawm lub meejmom MN House District 34B nyob rau qhov Special Primary Election nyob rau nag hmo. Tag nrho cov suab los ntawm 14 lub precincts, XP Lee ntau 1,186 lub suab. Peb tug nws sib tw nrog yog tau 209, 330, thiab 489, txhais tau tias XP Lee yeej lawm. Raws li sau ntawv los ntawm XP Lee, nws hais ua tsaug rau nws tsev neeg thiab nws pab neeg khiav dejnum rau nws lub campaign nrog rau cov voters nyob rau District 34B uas pov npav rau nws zaum no. Nws hais ntxiv tias tseem tshuav haujlwm ntau ua mus tom ntej.
Dhua no mus XP Lee tseem yuav los sib tw nrog Ruth Bittner uas yog ib tug Republican rau lub 9/16 ntawm qhov General election. Lub meejmom House District 34B no tuav los ntawm Melissa Hortman los ntau ntev heev, tiamsis muaj neeg phem tua nws tag sim neej lawm.

Hnub no lub 8/13, Pan Asian Center nrog rau tus tswv ntawm lub lagluam Illuminate tsa muaj ib lub Press Conference qhia txog lub koobtsheej hu tias Illuminate, Festival of Lights, yuav los rau lub 10/3/2025. Cia peb mus saib tau.
Nco ntsoov coj nej tsev neeg nrog menyuam tuaj muaj kev lom zem rau lub 10/3 nyob rau ntawm Pan Asian Center, nroog Maplewood. Yuav muaj ntau qhov kev lom zem thiab tshwj xeeb yog cov khoom coj tuaj teeb ci ntsa iab rau sawvdaws saib. Muaj zaub mob qab muag rau sawvdaws noj. Lawv tseem muaj sponsorship opportunities nrog discount pub rau nej cov tswv lagluam uas xav txhawb qa lub koob tsheej no. Lawv yuav qhib thaum lub 10/3 mus txog ntua rau lub 1 hlis 2026. Mus yuav pib nkag ntawm lub website li nej pom ntawm no: www.illuminate-us.com.