Food thiab Drug Administration los yog FDA tshaj tawm tias muaj ib co cws muag nyob lub khw Walmart paug cov radiation los yog ib cov tshuaj tsis zoo rau pejxeem. Cov radiation nrhiav tau nyob hauv cov thoob tim cws. Cov cws hais los no xa tawm hauv lub company hu ua BMS Foods nyob hauv tebchaws Indonesia. 13 lub xeev uas FDA tshem tsis pub muag cov cws no yog Alabama, Arkansa, Florida, Georgia, Kentucky, Louisiana, Missouri, Mississippi, Ohio, Oklahoma, Pennsylvannia, Texas, thiab West Virginia raws li xovxwm tau hais. Cov cws tsis pub noj yog los ntawm cov Brand no.
Great Value brand frozen raw shrimp, lot code: 8005540-1, Best by Date: 3/15/2027
Great Value brand frozen raw shrimp, lot code: 8005538-1, Best by Date: 3/15/2027
Great Value brand frozen raw shrimp, lot code: 8005539-1, Best by Date: 3/15/2027
Raws li xovcxwm tshaj tawm, Kou Fang, muaj lub txim felony vandalism uas tus ceebxwm tab tom nrhiav ntes nws. Kou Fang muaj 43 xyoos, siab 5 feet 6, 200 pound. Vandalism yog kev txhob txwm ua kom vaj tse puas. Yog leegtwg paub thiab pom Kou Fang, hu rau tub ceevxwm ntawm tus xovtooj no. Tamsim no tub ceevxwm muaj nyiaj mus txog li $3,000 rau tus neeg qhia kom lawv txhom tau tus neeg no.
Hmong committee 100 qhov kev caw neeg tuaj tham txog lawv lub neej thoj nam tawg nrog tuaj poob rau tebchaws Asmeskas los xaus rau nag hmo lub 8-20. Xyoo no yog 50 xyoo txwm nkaus Hmoob tuaj nyob tebchaws Asmeskas. Cov tuaj tham lawv cov dab neeg zaum kawg no yog Vaj Leej, Yaj Yaj, Mas Thoj, Maiv Vaj, thiab Nkaujlig Yaj. Lawv yog cov tuaj poob teb chaws Asmeska ua ntej xyoo 1980. Lawv yog cov nrhiav kev los pab kom muaj cov program thiab koomhaum los pab rau civ niam txiv Hmoob tuaj tom qab. Tham tau tej qhov kuj txaus luag tej qhov kuj los kua muag vim yog tuaj ua lub neej tshiab tsis paub dabtsi.
Xovxwm tshaj tawm los ntawm US Embassy hauv Nplog teb hais tias yog leegtwg tuaj nyob tebchaws Asmeskas dhau sijhawm yuav raug tsis txiav ntu nrho tsis pub tuaj lawm. Lawv muaj cai tshawb koj cov ntaub ntawv thiab keebkwm tuaj nyob tebchaws no. Yog koj yog ib tug tam sim no tseem nyob tebchaws no tiamsis nyob dhau sijhawm lawm lawv yuav tsis zam txim rau koj. Txhua tus neeg yuav tsum siv daim Visa raws li txoj cai thiab tsis raug txim.
Tamsim no Trump Administration ua nyuaj heev rau cov neeg raug xa rov qab vim tsev neeg tsis paub tias lawv mus nyob qhov twg lawm. Nyob xeev Minnesota muaj 15 leeg Hmoob twb raug ICE ntes tiam si lawv tsev neeg tsis paub tias lawv muaj xa rau lub detention center twg lawm. Tsuas paub tias muaj 5 tug Hmoob raug xa mu rau xeev Louisiana npaj yuav xa mus Nplog teb. Tam sim no lub tebchaws El Salvadore uas nyob qab teb Asmeskas twb kam lees txais neeg xa tawm hauv tebchaws Asmeskas. Thaum cov neeg no raug xa mus rau lwm lub tebchaws, kev khiav ntaub tawv tos rov qab tuaj nyuaj heev lawm.
