Hais txog ntawm Minnesota House of Representatives, XP Lee yog ib tug Hmoob uas tau yeej lub meejmom State Representative hauv District 34B lub 8/12 dhau los no yuav rov sib tw lub meejmom no nrog tus Republican candidate Ruth bittner rau lub 9/16 yuav los tom ntej no. Lub meejmom no yav dhau los yog tuav lom ntawm Melissa Hortman.
Yog leejtwg nyiam noj pias dej los yog Oyster nyoos, xav ua ntej tso mam noj. Xovxwm tshaj tawm tias muaj 2 tug neeg nyob xeev Louisiana tau tag sim neej vim yog noj oyster nyoos uas muaj cov kab mob noj qaij nyob rau cov oyster no. Tsoomfwv ceeb toom rau pejxeem tias tseem yuav muaj teebmeem rau coob leej ntxiv. Xyoo no kiag xwb twb muaj 17 leej tau tus kab mob no, 4 leeg tau tag sim neej. Ceeb faj hau kom siav mam noj thiaj tsis tau kabmob.
Tam sim no xovxwm tshaj tawm tias President Trump tshem kev tiv thaiv neeg phem los yog secret service protection ntawm Vice President Kamala Harris tsis pub muaj. Raws li ib txwm muaj los, yog tus Vice President tsis tuav nws lub meejmom lawm, tsuas pub qhov Secret Service Protection mus li 6 lub hlis xwb. Tiamsim thaum Trump los ua President lawm, President Biden kos npe txuas Vice President Kamala Harris qhov Secret Service Protection no mus tshaj 6 hli. Tamsim no Trump adminstration pom tias tsis muaj neeg yuav ua tejyam phem rau Vice President Harris lawm. Yav dhau los Vice President Mike Pence tsuas tau txais qhov Secret Service Protection no mus 6 lub hlis xwb. Trump administration yuav xaus Vice President Kamala Harris qhov Secret Service protection rau lub 9/1 no mus.
Tom qab qhov mass shooting nyob hauv Annunciaton Church uas 2 tug menyuam tau tag sim neej dhau los no, pab pawg Democrat thiab Minneapolis Mayor Jacob Frey nrog US Rep. Ilhan Omar, hais tawm tias lawv yuav tham dua tshiab tsim ib cov cai los txwv tsis pub muag cov phom tua neeg ntxiv lawm. Tiam sis yeej paub tias nws tsis yog ib qhov yoojyim vim tamsim no muaj pab pawg Republican los tswj Congress thiab tsev dawb lawm. Coob tus nom tawm pab pawb Democrats hais tias tamsim no muaj teebmeem loj heev lawm, cia sawvdaws los ua kev nrhiav kev los txhim kho cov teebmeem no.
Matthew Yang nyob nroog Wausau, xeev Wisconsin, raug txim vim nws nyiag khoom raug nyiaj li ntawm $1.1M. Raws li xovxwm tau hais nws hloov qhov ordering system mus sau 115 qhov order rau nws tus kheej. Thaum order cov khoom no tag lawm, nws muab lwm tawm hauv computer kom txhob muaj neeg paub. Tag nrho cov khoom no raug nqi $1M duaslas. Court ntseeg tias nws muab cov khoom coj mus muag yuav nyiaj lawm. Tub ceevxwm xwb tias xyoo 2024 los txog rau 2025, Matthew Yang mus twv txiaj nyob rau ntawm Potawatomi Casino 140 zaus thiab nws poob nyiaj ntau tshaj $67,000 duas las.
Xyoo no lub tsiab peb caug loj nyob rau xeev Oklahoma yuav poob rau lub 10/25 & 26, 2025 nyob rau lub zos Inola. Raws li tus thawj ntawm lub koomhaum Hmong American Association of Oklahoma, Nom Cawv Lauj, lawv tab tom sib zog tsim kom muaj lub tsev thiab fais fab nyob rau ntawm qhov chaw rau lub tsiab peb caug. Qhov chaw no yog 52 acre thiab yog Hmoob tug lawm. Xyoo no twb yog xyoo 4 ntawm lub tsiab peb caug no raws li Pathan Nom Cawv Lauj hais. Lub tsiab peb caug nyob xeev Oklahoma yeej loj thiab nyob hauv nruab nrab Asmeska uas Hmoob coob tuaj lwm lub xeev tuaj koom. Ntseeg tias sawvdaws yuav mus koom coob rau xyoo no.
