Qhov koomtxoos no tsis muaj chawv kuaj riam phom thiab tsis tas li nyob nraum zoov tsis muaj chaw thaiv nyob cuab ta lug. Coob tus hais tias qhov kev tua zaum no yeej cheem tau yog tias ua nyob hauv tsev thiab muaj lub metal detector kuaj riam phom.
Nyob xeev Minnesota tsis ntev tas los, muaj 4 tug nom Asmeskas rau tua, ob tug puav leej tau tag sim neej. Tamsim no txawm tias cov nom txwv txawm yog sawv cev pab pawg Republicam los yog Democrat yeej raug neeg ua phem rau.
Utah tus Governor hais kom pej xeem Asmeskas pab thov vajtswv rau Charlie Kirk tsev neeg thiab pav thov rau tebchaws Asmeskas.
Xovxwm Laotian Times tshaj tawm tias Nplog tus Ambassador tshiab uas yog Phoukhong Sisoulath tau muab ib daim ntawv txog nws qhov credentials rau President Trump qhia hais tias nws yog Nplog tus Ambassdor tshiab tamsim no nyob Washington DC. Ambassador Phoukhong Sisoulath tuaj tham txog kev phoojywg ntawm Asmeskas thiab Nplog, nrog rau kev kawm taub kawm ntawv, kev noj qab hauv huv, kev saib xyuas ruaj ntseg, thiab kev txov tshem cov foob pob poob rau Nplog teb yav dhau los. Trump kuj tham nrog nws txog Asmeskas cov tug rog tau ploj thiab tham txog immigration thiab lwm yam.
Xyoo no kev mus tua nas yog poob rau lub 9/13 mus txog lub 2/28/2026. Minnesota Department of Natural Resources muaj ob peb los lus ceebtoom rau ib tsoom niam txiv kwvtij neejtsa txog kev yos hav zoov.
Nco ntsoov yuav tsum muaj daim license tua nas ua yog Minnesota Small Game license. Yuav tsum ib yam kom yog xim orange ci los yog xim pink ci rau ntawm cev rov sauv. Thaum lub caij tua moslwj lawm, cov mus tua nas yuav tsum hnav xim orange ci txij ntawm duav rov sauv thiab ntoo kaus mom orange. Yog tsis paub tseeb, mus saib cov cai kom paub meej thaib to taub zoo. Nyob xeev Minnesota, ib hnub twg tsuas pub tua 7 tus nas xwb. Lub sijhawm tua nas pib 30 na thi ua ntej hnub tuaj thiab 30 na thi ua ntej hnub poob. Nco ntsoov saib phau ntawv muaj cov cai no ua ntej mus tua nas thiaj li muaj kev nyab xeeb tsis ntsib teebmeem. Tsis tas li DNR hais ntxiv tias saib kom meej tsis txhob hla mus rau cov av muaj tswv thiaj li tsis raug teebmeem.
Sawvdaws mus yov hav zoo kom xyuam xim hov nov yog number ib ntawm kev tiv thaiv kom txob ntsib teebmeem.
Xovxwm nyob rau Milwaukee tshaj tawm tias muaj ib tug txiv neeg npe hu ua Pao Lee, 65 xyoos, nyob nroog Sheboygan raug foob vim nws muaj phom tua raug ib tug txiv neej thiab ib tug menyuam ntxhais muaj 2 xyoos ntawm ib lub khw. Pao Lee qhia tub ceevxwm tias nws xav tua tus txiv neej ntawv tom qab nws pom ib cov text messages hauv nws pojniam lub phone. Cov test messages no hais txog kev nkauj kev nraug. Nws hais ntxiv tias nws xav muaj tus txiv neej ntawv tua kom tuag cev mam tua nws tub kheej tiamsim rab phom daig lawm ces tua tsis tau. Pao Lee yeej paub tias ua li no yeej txhaum cai tiamsis nws chim dhau lawm es thiaj muaj phom tua. Tamsim no Pao Lee raug lub txim Attempted First Degree intentional homicide thiab first degree reckless injury. Qhov bond los yog nyiaj txhiv ntawv yog $2M dauslas. Pao Lee yuav rov coj los hais plaub rau lub 9/15 thiab 9/17.
