Hnub Saturday, 10/11, muaj cov nomtswv hauv nroog txaib nrog rau cov tuaj kev deb tuaj hais lub txhawb dag txhawb zog rau tsev neeg. Tshwj xeeb cov tuaj zaum no yog tub huas tais uas yog Prince Soulivong SAVANG sawv cev hauv huab tais Nplog tsev neeg. Tsis tas li tuaj zaum no kuj yog cov nomtswv ntawm pab pawg Republican thiab Democrat.
Ob tug tswv zos hauv St. Paul thiab Minneapolis los puav leej tuaj koom.
Zaum no tsev neeg yeej ua tau ntau lub ntees zoo heev rau Vamtxoov thiab neej los kuj tuaj coob kawg nkaus. Tsev neeg txiav txim coj Vamtxooj Vaj mus zais ua ke nrog rau Naiphoo Vaj Pov hauv Roselawm Cemetery nroog Glendale, xeev California. Hnub coj mus zais ntawv yog hnub Saturday, 10/18 yuav los ntom ntej no.
Tamsim no nyob xeev Minnesota twb qhib tua nraj lawm. Sijhawm tuaj nraj pib lub 10/11 mus txog 1/4/2026. Yuav tsum muaj daim small game hunting license nrog daim stamp tua nraj. Yog leejtwg xav paub tag nrho cov cai tua nraj, mus saib ntawm DNR lub website li pom ntawm no. Nco ntsoov yuav tsum hnav khaub caws ci liab daj li ntawm no thiaj li tsis raug teebmeem.
Xyoo no yog nej nyob hauv nroog St. Paul, kev mus pov suab ua ntej los yog Early Voting xaiv tus tswv zos lossis tus Mayor twb qhib thaum lub 9/19 los lawm. Qhov early voting no yuav xaus rau lub 11/3 tsis pub dhau 5 teev tsaus ntuj. Yog tias mus pov suab nej tus kheej, nej mus rau ntawm qhov chaw ntawm no. Xyoo no muaj Rep. Kaohly Vang Her los sib tw lub meejmom no. Yog nej xav paub txog nws tes dejnum yav dhau los thiab dejnum nws yuav ua mus tom ntej, mus saib ntawm lub website no. Xyoo no muaj 3 tug neeg yuav nrog rau Rep. Kaohly Vang Her los sib tw khiav rau lub meejmom no. Mayor Melvin Carter rov khiav dua ntxiv ces tag nrho yog 5 leeg. Yog tias nej xav paub txog tias nej mus pov suab qhov twg, nej mus saib ntawm Minnesota Secretary of State lub website li pom ntawm no. Yog tias nej muaj 18 xyoo thiab yog US citizen lawm, tiamsis tsis tau pov suab dua li, nej yuav tsum mus register ua ntej thiaj li pov tau suab.
Nyob rau hnub no xovxwm tshaj tawm hais tias tebchaws Isreal tso 2,000 tus neeg Palestanians uas raug kaw tawm los mus tsev raws li kev coj lus los ntawm Gaza Ceasefire Agreement. Ameskas tau xa 200 tus tub rog mus pab thiab saib xyaum kev ncaj ncee ntawm kev coj lus tsis pub tsis tuaj zaum no. Coob tus ntawm cov neeg raug tso no yog twb raug ntes mus kaw thaum xyoo 2000 uas muaj kev tsis sib haum xeeb los lawm. Hnub no lawv rov los cuag lawv tsev neeg thiab txheeb ze sib khawm quaj ua ke.
Xoxwm tshaj tawm tias tamsim no xeev California yog thawj lub xeev hais tias siv AI los hloov cov neeg ua yeeb yaj kiab los yog ua movie yog ib qho kev txaum cai. Raws li paub xeev California twb dhau 2 txoj cai los tiv thaiv cov actor kom lawv txhob poob haujlwm vim yog AI. Governor Newsom yog tus tsim 2 tsab cai no thaum lub 9/17/2025. Ob tsab bill no yog Assembly Bill 2602 and Assembly Bill 1836 los ua kom muaj kev ncaj ncee txog kev siv AI.
Muaj ib tug tub muaj npe hu ua Hue YeejTshaj Xiong, 36 xyoo tau tsav moto los tsoo tsheb ua rau nws tagsim neej nyob nroog Milwaukee, xeev Wisconsin. Hue YeejTshaj Xiong yog ib leej txiv muaj 4 leeg menyuam. Tsev neeg tau tsim muaj ib tug Gofundme account los pab rau lub ntees thiab nuj nqi. Yog tias leejtwg txaus siab peb, tus Gofundme account yog li ntawm no.
Thaum kawg no muaj ib tug txiv neej lub npe hu ua Peter Yaj, 38 xyoo tau raug txim attempted second-degree sexual assault nrog ib tug menyuam, siv computer los tham menyuam thiab ntxias menyuam tsis tau muaj 18. Tub ceevxwm hnav ris tsho li menyuam ntxhais nrog nws tham. Lawv thiaj ntes tau nws nyob rau ntawm parking lot. Nws qhia tub ceevxwm tias nws npaj tuaj ntsib tus ntxhais ntawv thiab nws nqa tau ib co condoms tim hauv 3 lub hnab yas. Nws raug them $500 ua ntej lawv tso nws tawm thiab tsis pub nws siv Internet yog tias tsis yog siv ua haujlwm.
