Mai Xiong, 39 xyoos, yog thawj tus Hmoob nyob xeev Michigan yeej los ua ib tug House Representative sawv cev hauv 13th District hnub Tuesday dhau los no. Mai Xiong yog tus Commissioner sawv cev hauv Macomb County. Tom qab nws yeej tus Republican hu tias Ronald Singers, 65% rau 34%, Mai Xiong ua tsaug rau nws cov supporters vim lawv pom zoo thiab ntseeg nws lub zeem muag. Peb pab nrog Mai Xiong zoo siab rau nws kev yeej zaum no.
Sunisa Lee yog ib tug sawv cev team USA Gymnasts, tham txog yuav mus sibtw nyob rau 2024 Olympics nyob Paris. Sunisa hais tawv hauv Good Morning America tias zaum no yog mus prove nws tus kheej tias nws yeej tseem ua tau. Tsis tas li vim nws twb yeej lub kib kub los lawm, nws yeej paub tias qhov pressure ntawv ntau paum li cas. Sunisa hais ntxis tias nws qhov health los kuj tsis muaj dabtsi lawm. Peb sawvdaws zoo siab tias peb yuav pom peb Hmoob tus ntxhais Sunisa Lee rau 2024 Paris Olympic Games.
Tam sim no, raws li Tou Ger Xiong tus tij Laug Eh Xiong tau hais ntawm hauv social media, lawv tab tom yuav los puab Tou Ger ib tug Bronze statue. Eh Xiong twb muab Tou Ger peb daim duab tso tawm hauv social media seb tus duab twg thiaj yog tus tsim nyog xaiv los muab los ua. Coob tus kuj xaiv tu duab nruab nrab uas hnav ris tshob Hmoob. Tou Ger tsev neeg mam xyuas seb sawvdaws pom zoo tus twg. Tsis tas li Eh hais ntxiv tias lawv yuav tsim ib zaj documentary txog Tou Ger. Eh hais ntxiv tias nws tab tom koom tes nrog ib tug award winning director nyob Hollywood txog zaj documentary no. Zaj documentary yuav ntev li 90 na thi txog Tou Ger lub neej. Thaum ua tau yuav muab xaim rau tom Theater. Eh kuj hais tias yog leejtwg hnub nyoog 16-20 uas muaj kev raug zoo nrog Tou Ger, lawv xav feature tus neeg ntawv rau hauv zaj no thiab. Tou Ger ua tau ntau yam pub rau peb Hmoob yog li no tsim nyog yuav tsum ua zaj documentary txog nws lub neej. Tom ntej no peb paub li cas ntxiv mam tshaj rau nej paub.
