Peb tus ntxhais Hmoob Sunisa Lee nrog rau Simone Biles thiab Gabby Douglas yuav los sibtw rau lub 5/18 nyob rau ntawm Core Hydration Gymnastics Classic. Zaum no yog thawj zaug lawv 3 tug Olympic all-around gold medalists los ua ke ntawm qhov kev sibtw no. Tsis tas li, xeev Minnesota yuav host U.S. Olympic Team Trials Gymnastics ua ntej cov ntxhais no mus sibtw nyob rau Olympic Games Paris 2024. Peb yuav pom Sunisa los sibtw nyob hauv nroog Minneapolis rau lub 6/27-30 hauv Target Center. Yog nej leejtwg xav mus saib kaj tsij npaj mus yuav ticket tam sim no ntawm usagymtrials.com tsam lig lawm.
Misty Her yog thawj tus Hmoob los tuav lub meejmom siab tshaj plaws hauv tsev qhia menyuam kawm ntawv K12 uas lawv hu tias Deputy Superintendent nyob rau Asmiskas teb. Tam sim no nws raug xaiv los tuav lub meejmom Interim Superintendent mus li ib ntus kom lawv nrhiav tau tus tshiab. Fresno Unified School District muaj khwv yees li ntawm 70,000 tus menyuam kawm ntawv. Lawv twb nrhiav los tau 4 lub hlis no lawm tseem nrhiav tsis tau tus tshiab los tuav txoj haujlwm no. Tus Superintendent qub uas yog Bob Nelson hla tawv mus ua nyob rau hauv Fresno State lub Summer no lawm. Yog vim li cas lawv thiaj xaiv Misty Her. Lawv xav tau ib tug uas kom paub zoo txog lub school district kom muaj kev pab tsis tu ncua nyob rau lub sijhawm lawv tab tom nrhiav tus tshiab ces yog li no Misty yog tus ntawv. Cov board of trustees pom zoo cia rau Mister los tuav lub meejmom no mus ib ntus. Bob Nelson uas yog tus Superintendent qub los yeej pom zoo tib yam nkaus. Yog tias cov school board txiav txim rau Mister Her los tuav lub meejmom no mus, Misty yuav yog thawj tug Hmoob nyob tebchaws Asmiskas los ua tus Superintendent uas yog txoj haujlwm siab tshaj plaws nyob rau hauv tsev qhia ntawv.
Tamsim no lub vaj paj uas yog China Friendship Garden twb ua Hmoob daim phiaj zeb los yog Hmong Plaza tias lawm. Lawv yuav qhib rau pejxeem sawvdaws tuaj saib nyob rau lub 5/18 yuav los no. Qhov qhib no yog dawb xwb. Nyob rau hnub ntawv, yuav muaj kev lom zem ntau yam los ntawm ntau paj pawg neeg qhuas txog kev ua tiav hlo ntawm daim phiaj ze no. Caw sawvdaws tuaj koom nyob rau hnub ntawv. Nyob rau hnub Wednesday 5/8 thaum 5 teev tsaus ntuj, yuav muaj ib lub press conference tham txog qhov Opening Celebration no.
Tam sim no yog tias nej leejtwg xav mus kawm ua tub ceevxwm, nomtswv nyob xeev Minnesota muaj ib co nyiaj los yog grant los pab mus kawm. Cov grant no yuav pab them nyiaj hli rau nej lub sijhawm nej tab tom mus kawm los ua tub ceevxwm. Qhov program no lawv hu tias Pathways to Policing state grant. Yog xav paub ntxiv hu rau tus xovtooj ntawm no: Office of Justice Programs Minnesota Department of Public Safety 651-230-3358.
Tam sim no yog tias nej leejtwg xav mus kawm ua tub ceevxwm, nomtswv nyob xeev Minnesota muaj ib co nyiaj los yog grant los pab mus kawm. Cov grant no yuav pab them nyiaj hli rau nej lub sijhawm nej tab tom mus kawm los ua tub ceevxwm. Qhov program no lawv hu tias Pathways to Policing state grant. Yog xav paub ntxiv hu rau tus xovtooj ntawm no: Office of Justice Programs Minnesota Department of Public Safety 651-230-3358.
