Tus tub 6 xyoo hu ua Cag Kab Vaj thiab tus nxhais 3 xyoos hu ua Hnub Qub Vaj nrog rau leej niam kuj tsis nyob rau qhov critical condition lawm.
Zoo li kuj pom tshav ntuj zuj zus lawm. Ntseeg tau lawm tias lawv puav leej yuav zoo zuj zus. Hais txog ntawm vim
dabtsi ua thiaj li kub nyhiab, qhov ntawv tub ceev xwm  tab tom tshawb fawb seb yog vim li cas tiag. Peb nrog tus kwvtij Pacheng Vang khuv xim
nws 4 tug menyuam thiab hlub nws cov niam tub. Muaj neeg coob tus, xws li nyob sab tebchaw Nplog, Thaib thiab Nyab Laj, sau ntawv thiab hu tuaj rau ntawm 3HMONGTV hais tias lawv xav pab nyiaj rau
tsev neeg. Lawv hais ntxiv tias txawm nyob deb los lawv hnov txog xwb, lawv pab hlub tsev neeg no kawg
nkaus li.
Tsev neeg yuav muab Tou Ger Xiong los ua kev cai rau nyob rau lub 1/27 mus txog 29 nyob rau ntawm Legacy Funeral Home West Chapel nroog
St. Paul. Tou Ger Xiong yog ib tug tub tau nrhiav kev ncaj ncee pab Hmoob los lawm ntev thiab nws tseem yog ib tug tub muaj tswvyim zoo
ua yeej yam thiab hais lug txaus luag ua kev lom zem pub rau sawvdaws. Tou Ger Xiong tau tag sim neej nyob rau Colombia sab qab Asmiskas rau
lub 12/11 xyoo 2023. Nyob rau hnub 27 thiab 28 ntawv, yuav muaj cov nomtswv Asmiskas tseem ceeb tuaj hais lus txhawb siab rau tsev neeg.
3HMONGTV yuav mus thaij LIVE ncaj nraim tuaj rau nej saib tom tsev. Tig los saib peb nyob rau hnub ntawv. Nco ntsoov yog tias nej muaj xovxwm
hu rau 3HMONGTV.
