Hnub no peb yuav qhia qhov tshiab txog Tou Ger Xiong kev tag sim neej. Eh Xiong uas yog Tou Ger Xiong tus tijlaug, tso ib daim duab rau nws qhov FB txog cov neeg tau tua Tou Ger. Nyob rau ntawm daim duab no, tub ceevxwm ntes tau 3 tug neeg, 2 tug txiv neej nrog 1 tug pojniam. Nyob rau ntawm qhov FB tso daim duab
no, Eh Xiong kuj sau hais tias muaj li 5 lub as thiv dhau los, tsev neeg kuj muaj kev tu siab, pw tsis tsaug zog, nws kuj ntseeg hais tias muaj
ib co neeg siab zoo uas tuav txoj cai nyob txawv teb chaws thiab. Nws sau ntxiv tias sawv cev ntawm lawv tsev neeg, nws thov ua tsaug ntau rau
cov tub ceevxwm nyob hauv lub zos Medellin rau lawv txoj kev nrhiav ncaj cee thiab muab tau qhov tseeb pub rau tsev neeg.
Tam sim no kuj tsis tau hnov Tou Ger Tsev neeg hais li cas txog qhov no. Tseem tsis tau paub tias 3 tug neeg no cov npe hu li cas thiab
qhov tseeb yog qhov twg tiag. Tus ntxhais nyob rau daim dua no zoo li tus ntxhais twb tau nrog Tou Ger yav dhau los tiam sis qhov tsis tau
confirm los sis paub tseeb. Ntseeg tau lawm tias kuj yuav muaj justice los yog kev ncaj ncee pub rau Tou Ger yog yog tias cov
neeg no yog koom ntes txo Tou Ger txoj sia. Yog tias 3HMONGTV paub ntau dua nov, peb mam qhia rau nej paub.
Tou Ger lub ntees yuav los rau lub 1/27 mus txog 29 nyob rau ntawm Legacy Funeral Home west thiab east chapel nroog St. Paul. Hnub ntawv raws li peb paub
yuav muaj cov nomtswv Asmeskas tseem ceeb xws li Gov. Tim Walz nrog rau Attorney General Keith Allison, US representative Betty McCollum,
thiab US Senator Amy Klobuchar tuaj hais txhawb zog rau tsev neeg. 3HMONGTV yuav mus thaij ncaj nraim tuaj rau nej pom.
