tuaj hawm thiab hais lus zoo txog Tub Ntxawg. Tub Ntxawg Xyooj ua tau ntau yam pab rau tsev neeg Hmoob yog li no thaum nws tag sim
neej thiaj li muaj cov neeg tseem ceeb tuaj koom nws lub ntees. Gov. Tim Walz tus thawj tswj xeev Minnesota tuaj muab lub 1/27 zwm ua Tub Ntxawg Xyooj
hnub. US Senator Tina Smith tuaj muab ib daim ntawv proclamation qhuas txog Tub Ntxawg. Tsis tas li xeev Minnesota tus Attorney General Keith Ellison tuaj hais lus. Mayor Melvin Carter nyob nroog St. Paul tuaj hais lus qhuas txog Tub Ntxawg thiab. Coob tus nres xeem nyob hauv Minnesota tuaj koom thiab hais lub txhawb siab rau tsev neeg. Cov tuaj kev deb tuaj ib tug yog Paula Yang
uas yog ib tug phoojywg zoo ntawm Tub Ntxawg. Maiv Ntxawm Thoj tus tswj ntawm Hmong American Partnership thiab Npaub Vaj sawv cev ntawm lub tsev kawm ntawm Community School of
Excellence puav leej tuaj hais lus txhawb siab. Tub Ntxawg ib tug phoojywg zoo yog Former Senator Mee Moua. Hnub ntawv Senator Mee Moua nrog nws tus txiv Yig Tsab tuaj hawm thiab hlub tub
Ntxawb. Nyob rau thawj hnub Mob Tsab tus tswv ntawm MO’s Tropical nrog rau Hmoob ntau lub lagluam koom tes ua ib pluag mov pub rau kwvtij neejtsa
tau noj ua kev nco txog Tub Ntxawg.
Tub Ntxawg Xyooj yog ib tug tub Hmoob uas tsis khuv xim nws lub dag zog los pab tsev neeg Hmoob. Txawm yog muaj kev tsis ncaj ncee uas
KQRS radio ua rau Hmoob hauv xeev Minnesota, txawm yog tsis muaj kev ncaj ncee rau kwvtij Hmoob nyob Siskiyou County xeeb California, txawm
tias tsis muaj kev ncaj ncee rau Dylan Yang los yog kev tag sim neej ntawm Paj Nyiag Vwj vim raug tua los ntawm nws tus txiv nyob rau xeev Wisconsin, Tub Ntxawg yeej
ntaus thawj hlo mus pab tsis khuv xim nws lub dag zog. Ib qho zoo ntawm Tub Ntxawg yog nws txoj kev coj cov hluas los ua ke tiv thaiv
tej kev tsis ncaj ncee lwm tus ua rau Hmoob. Tag nrho haiv neeg Hmoob khuv xim thiab yuav nco Tub Ntxawg tej txiaj ntsim mus tag ib txhis. Ntawm
no yog 3HMONGTV NEWSBRIEF, kuv yog Yau Muas. Sawvdaws nyob zoo.
Xav paub ntxiv txog Tub Ntxawg Xyooj lub koomhaum (Tou Ger Xiong Endowment), mus saib nyob rau ntawm lub website no. www.gohmongboy.ccom.
