Driver’s License For All
Hnub no Department of Public Safety muaj ib lub rooj tshaj tawm txog kev npaj rau lawv qhov hu tias Driver’s license for all kom pejxeem paub tias yuav pab lawv li cas. Tamsim no yog leejtwg xav tau daim ntawv tsav tsheb los yog daim ID, nej mus teem sijhawm tau hauv lawv lub website – drive.mn.gov. Qhov Driver’s license for All Initiative yuav pib rau 10/01 no mus. Qhov kev hloov no yog ua kom yoojyim rau pejxeem mus ua kom tau daim ntawv tsav tseb txawm tias koj tsis nyob rau xeev Minnesota. Tsis tas li lawv muab daim ntawv xeem  tsav tsheb sau ua lus Hmoob kom yoojyim rau cov tsis paub ntawv Askiv. Lub ntsiab ntawm qhov Driver’s License for All Initiative no yog ua kom yoojyim rau pejxeem Minnesota kom lawv tau daim ntawv tsav tsheb thiab paub txog cai tsav tsheb. Yog xav paub ntxiv, mus saib ntawm lub website – drive.mn.gov.
Gov. Walz and Lt. Gov – Tagkis, 9/8, Gov. Tim Walz nrog Lt. Governor Peggy yuav mus cog kev lagluam kom ruaj thiab dav, tsis tas li mus txhawb Minnesota cov lagluam nyob rau tebchaws YivPoon. Kev mus YivPoon teb zaum no yog mus koom lub 53rd Midwest US Japan Association Conference caw los ntawm Yivpoon tus Ambassador Shinsuke Sugiyama. Muaj cov neeg sawv cev ntawm Minnesota Trade Office mus nrog Gov. Walz yeeb vim tias Yivpoon muaj ntau tshaj 50 lub company nyob rau xeev Minnesota. Gov. Walz hais tias kev mus zaum no yog mus kom muaj kev sib raug zoo txog kev lag kev luam ntawm xeev Minnesota mus rau Yivpoon teb.
Megan Khang
Megan Khang yuav sawv cev Team USA nyob rau Solheim Cup zaum 3 rau zaum no nyob rau nws txoj kev sibtw ntaus golf. Megan Khang yog thawj tug ntxhais Hmoob ntau Golf yeej ntau lub tournament. Kev sibtw ntau Golf ntawm Sohleim Cup yuav muaj rau lub 9/18 mus txog 9/24. Peg kuj nrog tus Ntxhais Hmoob Megan Khang zoo siab. Haiv neeg Hmoob yeej nce mus ib khaub raum dej kawg nkaus lawm.
Healing Series Movie
The Healing Series yog ob peb zaj movie uas muaj tso ua ke tsim tawm los ntawm Porsha Production. Lawv yuav tso ntawm nyob rau hauv Riverview Theater rau lub 9/14 thaum 6 teev tsaus ntuj. Cov movie no yog los nrhiav kho kom sawvdaws muaj kev nyab xeeb vim muaj kev mob nkeeg los rau haiv neeg Hmoob ntau yam yav dhau los. Tickets yog $25 ib tug neeg.
Ntawm no yog 3HMONGTV NEWSBRIEF, Kuv yog Yau Muas, sawvdaws nyob zoo.
