Peb coob ntau tus twb know txog qhov teeb meem ntawm tus ntxhais Tao Tequila thiab Alix Phom Vang nyob hauv social media. Nyob rau 9/10, Tao sau ntawv nyob rau hauv FB hais tias nws tau raug quab yuam deev los ntawm Alix Phom Vang thaum lub sijhawm Tao mus ntsib Alix. Hnub no, 9/13, Alix tau sau nyob rau nws qhov FB hais tias nws thov txim rau nws pojniam tsis muab dabtsi yuav los thim tau nkawv txoj kev puas ntsoog hauv nkawv lub neej. Nws hais ntxiv tias yog nws yog ib tug rapist, ces nws yeej raug txim raws li txoj cai lawm. Ces tam sim no, raws li Alix pojniam Lilly Lor, tau sau nyob rau Facebook nyob rau nag hmo, 9/12, hais tias nws tsis support tej yam nws tus partner tau ua. Lilly hais ntxiv tias nws yeej ntseeg Alix los txog thaum nws pom cov pov thawj los ntawm cov video. Lilly hais tias kom cov media thiab phoojywg sawvdaws respect nws qhov privacy nyob rau lub sijhawm no vim nws tab tom nrhiav kev los heal nws tus kheej. Kuv tsis paub tias qhov teebmem no twb muab report rau tub ceevxwm lawm los tsis tau. Cov ntawm lawv sau no muaj tag nrho nyob rau social media.
Affinity Plus Federal Credit Union nrog rau nroog Minneapolis koom tes muab qhov New American Loan Progam ncua pub rau ntau tshaj 10,000 Â tus pejxeem ib txwm nyob hauv nroog Minneapolis uas muaj npav ntsuab tiam sis tsis tau apply kev pab. Nyob rau ntawm qhov New American Loan Program no, ib tus neeg txais tau mus txog $2,000 los pab them ua xaan xaj Asmeskas. Qhov applicaton yog $75 tiam lawv yuav rov $50 rau nej thaum nej them qhov loan tag lawm. Yog xav paub txog qhov New American Loan Program no, hu 651-312-9747.
Ntaub ntawv qhia los ntawm MN Dept. of Public Safety Office of Traffic Safety hais tias tub ceevxwm ntes 1,140 tus neeg tsav tsheb qaug cawv haus yeeb haus tshuaj los yog DWI rau lub 8/18 mus txog rau lub 9/4 dhau los no. Yog nej pom tub ceevxwm teeb ntsais hauv highway, nej yuav tsum pauv lane txhob mus ze thiab yuav tsum mus qeeb. Yog yuam cai, yuav raug nplua $100. Yog tub ceevxwm txhom tau nej tsav tsheb qaug cawv, nej yuav plam nej daim ntawv tsav tsheb, raug nplua nyiaj ntau, thiab tseem raug kawv.
Muaj lus ceeb toom rau ib tsoom niam ntxiv kwvtij neejtsa sawvdaws, ua tib zoo saib nej cov ntawv xa tuaj hauv tsev vim muaj coob leej ntau tus muab lawv daim check nyiaj Rebate pov tseg lawm. Daim Rebate check tuaj ntawm qhov chaw li nej pom no ces coob tus xav tiam yog Junk mail ces lawv muab pov tseg lawm. Daim Rebate check zoo li no. Nco ntsoov saib zoo mam muab pov tseg. Ntawm no yog 3HMONGTV Newsbrief, kuv yog Yau Muas. Yog nej leejtwg muaj xovxwm, hu rau 3HMONGTV. Sawvdaws nyob zoo.
