Gov. Tim Walz tshaj tawm tias thiab ceebtom kom pejxeem Minnesota mus txhaj tshuaj tiv thaiv kabmob COVID-19 thiab khaub nthuas vim tam sim no menyuam rov mus pib kawm ntawv lawm. Tsis tas li, tamsimno, muaj cov tshuaj tshiab tiv thaiv kabmob COVID-19 thiab khaub nthuas. Nco ntsoov kabmob COVID-19 tseem tsis tau dua, sawvdaws yuav tsum xyuam xim tiv thaiv kom zoo. Lub 9 hlis thiab 10 hli yog zoo caij mus txhaj tshuaj tiv thiav Flu thiab COVID-19. Kev mus txhaj tshuaj yuav pab tau koj thiab lwm tus neeg kom txhoj kis kabmob thiab txawm kis los kom txhob muaj kev ploj tuag. Yog nej tsis paub meej txog cov tshuaj tshiab, mus nrog koj tus kwv kho mob tham. Nej mus teem caij txhaj tshuaj tiv thaiv Khaub nthuas thiab COVID-19 nyob rau tib lub sijhawm los yeej tau.
Nyob rau hmo no, muaj ib lub rooj sibtham los ntawm Hmoob cov tub ntxhais ua haujlwm nyob rau hauv Minnesota State Capitol hais txog lawv lub luag haujlwm pab pejxeem hauv nroog St.Paul. Cia kuv coj peb sawvdaws mus saib txog lawv kev sibtham.
Yog ib niam txiv kwvtij neej tsa muaj lus xav nrog lawv tham, txhob ua siab deb, lawv yeej txais tos nej txhuaj lub sijhawm. Ntawm no yog lawv cov xovtooj.
Muaj ib tug ntxhais Hmoob tau txais kev pab los ntawm South Dakoka trooper. Peb paub vim tias nws sau ib tsab ntawv mus ua tsaug rau tus Trooper no. Nyob rau ntawm tsab ntawv, nws sau tias nws mus kawm ntawv nyob rau deb nws niam thiab txiv. Nws lub tsheb tsoo ib tug raccoon los yog mab ua nws lub tsheb puas tsav tsis tau lawm. Tseem tshuav li 15 miles mam los txog ib lub zos. Nws thiaj li hu rau 911 ces muaj ib tug State trooper tuaj pab tau nws. Thauj nws los rau ntawm Hotel. Tus Trooper no nws kuj muaj ib tug ntxhais yuav mus kawm ntawv College tsis ntev no ces nws yeej paub txoj kev niam thiab txiv txhawj npaum li cas. Ntawm no yog daim duab tus Trooper thiab tus ntxhais Hmoob. Tus ntxhais sau ntxiv tias, sawvdaws pheej hnov hauv xovxwm txog tub ceevxwm ua tej yam tsis zoo xwb, tiam sis muaj coob tus tub ceevxwm yeej zoo thiab siab dawb pab pejxeem sawvdaws. Zoo siab tias tus ntxhais no tsis ntsib teebmeem dabtsi thiab nws nyob rau qhov chaw SAFE lawm. Ua tsaug rau tus tub ceevxwm no.
