3HMONGTV Newsbrief (10/24/2023) – Southeast Asia Resource Action Center los yog SEARAC ceebtoom rau pejxeem sawvdaws tia tam sim no muaj ib tsab Bill hu hais tias All Students Count Act qhia los ntawm Senator Hirono nyob Hawaii thiab Representative Jayapal nyob hauv Washington State. Nyob rau ntawm tsab bill no xav tau kom tsev kawm ntawv K-12 cais tawm cov menyuam kawm ntawv tej ntaub ntawv los yog data kom muaj kev soj ntsuam zoo thiaj li pab tau lawv. Nyob rau lub 10/26 thaum 2 teev tav su Central Time, yuav muaj ib lub rooj sibtham hauv Zoom txog kev pab rau kev kawm ntawv. Yuav muaj cov nomtswv nrog rau cov xibfwb qhia ntawv thiab cov menyuam kawm ntawv tuaj ntawm tswv yim txhim kho kev kawm ntaub kawm ntawv. Tsab bill no yog los pab rau feem coob yog neeg Asia. Yog leejtwg xav mus mloog qhov kev sibtham no, mus register rau ntawm qhov website no.
Raws li Tus tub Hmoob Plog, Asee Hawj, uas tau yeej Mr. Universe Laos 2023, tso rau hauv FB, nws npaj yuav tuaj rau nroog Miami xeev Florida, tebchaws Asmiska rau lub 10/25 mus txog lub 11/02 xyoo 2023 no. Muaj ntau tus kuv xav hais tias ua cas ho tsis tuaj rau cov xeev muaj Hmoob nyob coob. Kuj tsis paub meej tias kev tuaj zaum no yog li cas tiag.
Hmo no, Mike Casey, sawv cev ntawm paj pawg Republican, tuaj rau ntawm 3HMONGTV studio tuaj tham txog nws txoj kev sibtw tuav lub meejmom rau Minnesota 4th Congressional District uas tam sim no yog Betty McCullum tab tom tuav.
Mike Casey npaj los sibtw tuav lub meejmom no rau xyoo 2024 yuav los tom ntej no. Peb mam tso qhov kev sibtham no tawm seb nws muaj zoo tswv yim li cas thiab vim li cas nws thiaj li txiav txim los khiav rau lub meejmom no.
