Hmong American Partnership tau txais $2 laab dollas los ntawm ib tug neeg nplua nuj uas muaj lub npe hu ua MacKenzie Scott.
Maiv Ntxawm Thoj, tus thawj tswj lub koomhaum Hmong American Partnership, zoo siab thiab tau hais tias
nws ua tsaug ntau ntau rau Mackenzie Scott qhov kev pab zaum no vim cov nyiaj no yuav pab kom HAP mus
txog lawv lub homphiaj. Cov nyiaj no yuav los pab rau cov program kom muaj loj tuaj, los pab rau cov ua
cov program tshiab, thiab ua kom lub koomhaum no nyob ruaj kho mus tom ntej. HAP yog ib lub non-profit
organization tsa xyoo 1990 los pab nrhiav kev tsev neeg Hmoob kom tau haujlwm ua, noj qab haus huv thiab
muaj noj muaj haus. Xav paub ntau txog HAP cov kev pab, mus saib ntawm HMONG.ORG.
Lub 12/08 dhau los no yog Nai Phoo Vaj Pov lub hnub yug. Lub koomhaum qub tub rog SGU Veterans and familes of USA yeej ib txwm
ua kev nco txog Nai Phoo lub hnub yug. Yog tias Nai Phoo tseem muaj txoj sia, nws lub hnoob nyoog yuav muaj 94 xyoos lawm.
Hnub no ib hnub zoo uas muaj ib tug kwvtij Hmoob lub npe hu ua Kub Lis tau kawm tag los ua ib tug priest los yog xibfwb hauv pab pawg ntseeg Catholic. Kub yog tug ntawm coob tus Hmoob kawm tag los 4 xyoos los ua xibfwb xeev Minnesota.
Peb nrog qhuas thiab zoo siab nrog Kub thiab nws tseg neeg. Yog nej leejtwg muaj xovxwm hu tuaj qhia rau 3HMONGTV ntawm (651)442-7698.
